Policia gjermane ka kryer një seri bastisjesh, kundrejt personave të dyshuar që postojnë përmbajtje urrejtjeje në mediat sociale.
Këto bastisje të bashkërenduara të kryera në 60 adresa shënojnë herën e parë që autoritetet veprojnë për këtë çështje në një mënyrë të tillë.
Qëllimi është “lufta” me atë që policia e quajti “një rritje të konsiderueshme në radikalizmin verbal”.
Krimet tipike përfshijnë “lavdërimin e nazizmit [dhe] ksenofobinë, anti-semitizmi dhe të tjera ekstremitete të djathta”, thanë ata.
Holger Munch, president i autoriteteve federale të policisë kriminale të Gjermanisë, Bundeskriminalamti (BKA) është shprehur: “Veprimi i sotëm e bën të qartë se autoritetet policore të qeverisë federale dhe shtetërore veprojnë në mënyrë të vendosur kundër urrejtjes dhe nxitjes në internet.”
Ai tha se krimi i urrejtjes i motivuar politikisht në internet është rritur ndjeshëm në prag të krizës evropiane të refugjatëve.
Vitin e kaluar, Gjermania mori rreth një milion emigrantë dhe refugjatë, raporton TechSot.Al.
“Sulmet në kampet e refugjatëve janë shpesh rezultat i radikalizimit që fillon në rrjetet sociale,” tha zoti Munch.
