Hi dhe rrënoja ishte gjithçka çfarë i kishte mbetur Fahd Salehut kur jeta të cilën e njihte në Siri u shkatërrua nga lufta.
Zhurma e të shtënave me armë, beteja e përgjakshme vrastare nëpër rrugë mes rebelëve dhe milicisë pro-Assadit në afërsi të shtëpisë së tij në qytetin Homs, e bindën atëbotë babanë e një fëmije që të shpërngulte familjen e tij të re te shtëpia e prindërve, përcjell “Koha Ditore”.
Ishte një vendim që mund t’u ketë shpëtuar jetët, pasi me t’u kthyer ai pa shtëpinë e shkatërruar, një pamje që e shtyu të largohej nga vendi dhe përfundimisht të vendosej në Angli katër vjet më vonë, shkruan BBC.
“Të humbasësh shtëpinë është më mirë se të humbasësh jetën, ishte koha për të shpëtuar familjen. U ktheva për të parë se çfarë po ndodhte, për të parë nëse mund të shpëtoja disa gjëra, por çdo gjë ishte djegur. Ishte një dhomë ndeje ku i kisha të gjitha gjërat me vlerë, medaljet e trofetë, dhe të gjitha ishin zhdukur. Shtëpia për të cilën kam punuar fort, shtëpia dhe jeta që kam punuar fort të krijoj, u zhduk në një moment”, thotë Saleh.
