Policia e Kosovës ka njoftuar për një rast të pazakontë në fshatin Nekoc të Drenasit, shkruan Drenicapress.info
Patrulla policore në këtë fshat ka ndaluar dy nxënës, të cilët mbanin në dorë armë zjarri-revole.
“Pas një informate marrë në rrugë operative se dy nxënës moshë e mitur meshkuj K/Shqiptarë, duke shkuar në shkollë mbajnë në dorë një armë zjarri-revole, patrulla policore në vendin e ngjarjes kanë ndalur të dyshuarit, ku gjatë legjitimimit dhe kontrollimit i është gjetur dhe konfiskuar arma me gaz e llojit “BRUNI”, kal.9mm”, thuhet në njoftimin e policisë.
Policia gjatë intervistimit të të miturve kanë marr informatën se armën fëmijët e kanë marrë të daja i tyre.
“ Sipas të miturve këtë armë e kanë marrë tek daja i tyre mashkull K/Shqiptar. Të miturit janë intervistuar në prani të prindërve dhe punëtorit të QPS-së, ndërsa me vendimin e prokurorit, dy të dyshuarit e mitur lirohen dhe nuk procedohet, kurse i dyshuari (daja i të miturve) pas intervistimit lirohet”, ka bërë të ditur Policia e Kosovës./Drenicapress.info
