Një 74 vjeçar ka ndërruar jetë në njërin nga motelet e Gjilanit, transmeton Gazeta Metro.
Këtë e ka konfirmuar për Gazetën Metro, zëdhënësi i policisë së rajonit të Gjilanit, Ismet Hashani.
Hashani ka thënë se ka ndërruar jetë një 74 vjeçar në njërin nga Motelet e Gjilanit. Ai ka njoftuar se trupi i tij është dërguar në obduksion dhe rasti është duke u hetuar.
“Po ka ndërruar jetë një 74 vjeçar nga Gjilani. Ai ka vdekur në një motel të Gjilanit. Shkaktarët e vdekjes ende nuk po dihen, trupi i tij është dërguar në obduksion, rasti është duke u hetuar ka”, ka thënë Hashani.
Sipas burimeve që posedon Gazeta Metro, personi, viti i lindjes (1945), derisa po qëndronte në një dhomë të motelit me një grua, ishte alivanosur. Kjo e fundit kishte lajmëruar policinë.
Policia bashkë me autoambulancën dhe ekipet tjera kanë shkuar në vendin e ngjarjes, ku mjeku kujdestar e ka konfirmuar vdekjen e personit në fjalë. /gazetametro.net
