Policia e Kosovës i ka larguar gazetarët nga hapësira para shtëpisë së Jakup Krasniqit, ku Zyra e Prokurorit të Specializuar, po kryen bastistje që nga mëngjesi, raporton Express.
Gazetarët janë detyruar që të dalin në ballkonin e një shtëpie që gjendet përballë asaj të Krasniqit, në mënyrë që të marrin pamje nga ky aksion.
Se po kryhen basistje në disa lokacione në Prishtinë e kanë konfirmuar edhe nga Zyra e Prokurorit të Specializuar.
Megjithatë, nuk kanë dhënë më shumë informacione.
“Zyra e Prokurorit të Specializuar (ZPS) aktualisht është duke kryer operacione në Prishtinë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX). Më shumë informacion do të jepet më vonë”, thuhet në njoftim./Gazeta Express
