Sektori i hetimeve i Kryeqytetit, me autorizim nga prokuroria kompetente, ka publikuar një kërkesë për bashkëpunim me qëllim të identifikimit të një personi të dyshuar, fotografia e të cilit është shpërndarë përmes kanaleve zyrtare.
Personi në fjalë dyshohet për përfshirje në veprat penale: “Ngacmim” dhe “Sulm”, ndërsa identifikimi i tij është i rëndësishëm për vazhdimin e procedurave hetimore.
Policia e Kosovës fton të gjithë qytetarët që kanë informacion lidhur me identitetin apo vendndodhjen e këtij personi, të kontaktojnë në mënyrë konfidenciale përmes:
Numrit të telefonit: 192
Emailit zyrtar: [email protected]
Çdo informacion, sado i vogël, mund të jetë vendimtar në ndihmën për zbardhjen e rastit. Policia garanton konfidencialitet të plotë për të gjithë ata që bashkëpunojnë.
