Zyrtarët e MUP-it serb arrestuan në Kraljevë D.M. i lindur në vitin 1970 nga Mitrovica e Veriut, për shkak të dyshimit të bazuar se ka kryer veprën penale të prodhimit, mbajtjes, mbajtjes dhe trafikimit të paligjshëm të armëve dhe eksplozivëve.
Sipas Policisë, atij iu gjetën 270 copë municione të ndryshme dhe dy predha trombloni, në shtëpinë ku burri 50-vjeçar po qëndronte në Kralevë pa leje qëndrim, shkruan Reporteri.net.
Gazeta ka mësuar se i arrestuari është polici Dragan Milunovic, i ashtuquajtur “Singjo”, polic hetues në Stacionin Policor në Mitrovicë të Veriut.
Sic edhe dihet, zyrtarët policorë nuk kanë të drejtë të dalin nga kufijtë e Kosovës, pasi kështu thotë vendimi i nxjerrë nga drejtori i Policisë, Rashit Qalaj. Milunovic nuk e ka respektuar, pasi ka dalë dhe është arrestuar jashtë kufijve të shtetit.
Madje, për Milunovicin, thuhet se ka qenë në orar të punës në momentin e arrestimit, ndërkohë që eprori i tij nuk e ka raportuar mungesën.
Sidoqoftë, Milunovic është urdhëruar të ndalet deri në 48 orë, dhe ai do të dërgohet në Gjykatën e Lartë Publike në Kraljevë./Reporteri.net
