Policia e Kosovës, kohëve të fundit ka ndërmarr aksione edhe me dronë, duke gjobitur qytetarët që bëjnë tejkalime me vetura në vijë të plotë, për të ndikuar në uljen e numrit të aksidenteve.
Në këto masa, policia përveç tjerash, u ka konfiskuar edhe patentë shoferët deri në tre muaj atyre që kanë bërë veprime të tilla në trafik. Por, ka raste kur vet policët bëjnë veprime të tilla të shkeljeve të rënda të rregullave të trafikut.
Një video e publikuar nga RTV Dukagjini, e regjistruar nga një qytetar, tregon më së miri se si policët kanë rrezikuar jetën e mbi 50 personave, duke hyrë në tejkalim në mes të dy autobusëve.
Nga video, shihet se si vetura e policisë, për pak sa nuk shkakton aksident, i cili përveç tyre, do të përfshinte edhe dy autobusët që po transportonin udhëtarë.
