Shumë njerëz e shohin larjen e enëve si një detyrë të lodhshme – dhe tani rezulton se mund ta keni ngarkuar lavastoviljen gabim gjithë këtë kohë.
Ekspertët e AO kanë vendosur përfundimisht debatet mbi mënyrën e duhur të vendosjes së enëve dhe pjatalarëseve.
Një keqkuptim i zakonshëm është se lavastovilja duhet të mbushet sa më shumë që të mundet për të punuar mirë. “Lavastoviljet kanë nevojë për hapësirë mes enëve që uji të qarkullojë, kështu që nuk kurseni asgjë duke i ngjeshur,” tha Gwil Snook, ekspert për lavastovilje në AO.
Në fakt, sipas tij, ngjeshja e enëve rrit mundësinë që cikli të duhet përsëritur ose që të duhet t’i lani me dorë, pasi do të dalin të papastra.
Ai sugjeron të lini një hapësirë të vogël mes enëve – sa një monedhë 5 peni ose gishti i vogël. “Kështu uji mund të qarkullojë mes tyre dhe të japë rezultat më të mirë,” shpjegoi Snook.
Eksperti gjithashtu paralajmëron për zakonin e vjetër të larjes paraprake të enëve, i cili shpenzon kohë dhe ujë. Sipas studimeve të AO, një e katërta e britanikëve mendojnë se larja paraprake e enëve të pista përpara se t’i fusin në lavastovilje sjell rezultate më të mira.
“Është krejtësisht e kundërta,” tha Snook. “Lavastoviljet moderne dhe detergjentët janë dizajnuar për të punuar me mbetjet ushqimore dhe enët e pista. Ata funksionojnë me enzima që thyejnë yndyrën dhe grimcat gjatë ciklit. Nëse i shpëlani më parë, enzimat nuk kanë mbi çfarë të veprojnë, dhe pastrimi dobësohet. Larja paraprake thjesht humb ujë dhe kohë, por shumë njerëz e vazhdojnë si zakon.”
Të dhënat tregojnë se gratë kanë më shumë gjasa se burrat të shpëlajnë enët para se t’i fusin në lavastovilje. Banorët e Londrës janë më të “gabuarit,” me një të tretën e familjeve që e bëjnë këtë.
Snook rekomandon që pjesa e sipërme e lavastoviljes të përdoret për filxhanët, ndërsa gotat, tasat dhe enët më të rënda si tenxheret të vendosen poshtë. Gjithashtu, duhet të lini hapësirë për krahët spërkatës dhe të zgjidhni programin e duhur sipas nevojës.
“Me disa rregullime të vogla, britanikët mund të maksimizojnë eficiencën e lavastoviljeve, duke kursyer kohë, para dhe tensione familjare,” shtoi ai.
Debatet mbi mënyrën e vendosjes së thikave dhe pirunjve vazhdojnë. Ekspertët rekomandojnë që veglat të vendosen me majën poshtë, pasi kjo është metoda më e sigurt dhe efikase. /GazetaExpress/
