Mbrëmë teksa po qëndronte në shtëpi, M.G. nga Fushë-Kosova, ka pritur mysafirë të paftuar. Policia kishte trokitur në derën e tij.
75-vjeçi mbase ka mundur ta dijë për çfarë kishin ardhur Policia, mirëpo Policia mund të jetë befasuar nga arsenali që mbante “plaku i fortë”.
Kosovarit iu kapën 6 revole e 150 fishekë të ndryshëm. 75-vjeçi mbante Ecol Special, Cervena Zastava, TT, CZ VZOR, Pjetro Bereta e Blow Mini.
Ndërkohë, atij iu vënë edhe prangat dhe ndaj tij është iniciuar rasti për mbajtje në pronësi, kontroll dhe posedim i paautorizuar i armëve.
Ndryshe, Policia gjatë muajit të fundit ka kapur një arsenal të madh armësh në shumë vende të Kosovës.
- Advertisement -
