Dje është plagosur me armë zjarri një burrë në fshatin Sibofc të Podujevës.
Policia e Kosovës, përmes një komunikatë për medie, ka bërë të ditur se kanë arritur që ta arrestojnë të dyshuarin e kësaj ngjarje.
“Është arrestuar i dyshuari, pasi që i njëjti ka shtënë me armë zjarri në drejtim të viktimës, burrë shqiptar. Si pasojë viktima ka pësuar lëndime trupore dhe i njëjti është dërguar për tretman mjekësor në QKUK. Në vendin e ngjarjes njësiti policor ka konfiskuar armën TT me një karikator me 6 fishekë”, thuhet në komunikatën e Policisë së Kosovës.
Me vendim të prokurorit i dyshuari dërgohet në mbajtje.
