Dyshohet se tregtarët e naftës kanë marrëveshje të fshehtë që duhet të hetohet seriozisht nga shteti, raporton gazetametro.net.
Mund ta keni vërejtur se nafta që paguani për veturën tuaj, është më e shtrenjtë se në Shqipëri kur udhëtoni për vikend, apo në Maqedoni. Por në fakt, është më e shtrenjtë për 1/3 e çmimit se krejt shtetet e regjionit.
Për rreth se tre muaj, çmimi i naftës në Kosovë vazhdon të mbetet 1 euro 20 cent. Apo, 30 cent më shtrenjtë se në të gjitha shtetet e rajonit. Asnjë institucion deri më tash s’ka reaguar pse është kaq i lartë ky çmim. Por, dyshpohet se ka shkelje të lirisë së tregut, dhe se kjo është një marrëveshje e fshehtë midis tregtarëve me naftë.
Autoriteti i Konkurrencës ende s’ka dhënë asnjë njoftim se është duke i hetuar bizneset e pompave të naftës për marrëveshje të fshehtë për çmimin e lartë të produkteve të naftës.
Poashtu, politika e kosovës nuk po merret me këtë dukuri plaçkitëse edhe pse prej dy muajsh, në tregun e Kosovës, çmimi i naftës e benzinës është për 33 përqind më i lartë se në që shesin tregtarët në pompat e karburanteve të regjionit.
Ndërkohë, çmimi në tregun global është më i lirë prej vitit 2016, ku 45 dollarë shitet një barel naftë. Gazeta Metro do të njoftoj lidhur me këtë deri sa të dihen faktorët fiktiv tëngritjes së çmimit.
Sidoqoftë, rritja e çmimit të naftës, si burim esencial i energjisë për makinerinë dhe transportin, ndikon në rritjen e të gjithë prodhimtarisë ekonomike dhe bujqësore. Mbajtja e çmimit të lartës të naftës kështu siç është, statistikisht do të shternjtojë jetën, dhe do të ndikojë në uljen e të ardhurave të qytetarëve të Kosovës. /gazetametro.net
