Një pjesëtar i FSK-së nga komuniteti serb është sulmuar fizikisht gjatë ditës së djeshme.
Policia e Kosovës ka bërë të ditur se rasti ka ndodhur në fshatin Mogillë të Kllokotit.
Sipas raportit policor, ky pjesëtar i FSK-së, teksa ishte duke udhëtuar me veturë private, pasi është ndalur në fshat, është sulmuar fizikisht nga dy persona të panjohur.
Të njëjtit i kanë dëmtuar edhe parafangon e veturës.
Viktima pas pranimit të ndihmës mjekësore është liruar në shtëpi.
Njësitet policore janë në kërkim të personave të dyshuar.
- Advertisement -
