Kryetari i Prishtinës Shpend Ahmeti, ka përuruar tetë kiosqe të librave në sheshet e kryeqytetit, njofton Klan Kosova.
Ahmeti ka thënë se për t`i marrë këto kiosqe kanë shfaqur interesim edhe disa shtëpi botuese mirëpo sipas tij, komuna i ka përzgjedhur shitësit ambulant në mënyrë që t`ua sigurojë një strehë dhe sheshi të duket më bukur.
Librashitësit do të paguajnë rreth 40 euro në muaj për t’i shfrytëzuar ato, e një e tillë është blerë rreth 8 mijë euro. Ky projekt është bashkëfinancuar nga Demosi dhe Komuna e Prishtinës.
