Sot në mëngjes, ka ndodhur një vrasje dhe dy persona tjerë janë plagosur në tregun e Mitrovicës.
I vrari del të jetë një pemëshitës, i cili kishte dalur në treg për shitjen e pemëve, të cilat tani edhe fillojnë të mbjellen, shkruan Jepi zë.
Policia e ka konfirmuar rastin:
Rreth orës 11:27, policia në Mitrovicë është njoftuar për një rast në Tregun e Gjelbër në Mitrovicë ku është përdorur arma e zjarrit. Njësitë policore i janë përgjigjur menjëherë rastit dhe kanë shkuar në vendin e ngjarjes.
Policia ka kuptuar se një person mashkull kosovar, ka shtënë në drejtim të tre personave të cilët janë të plagosur, të njejtit janë derguar për trajtim mjeksor në Spitalin Rajonal në Mitrovicë. Gjithashtu edhe i dyshuari është i lënduar, i njëjti është arrestuar nga njesite policore dhe është derguar për tretman mjekësor.
Raportohet se një nga të plagosurit ka ndërruar jetë. Njësitet policore po vazhdojnë ta trajtojnë rastin, ka thënë Avni Zahiti për Jepi zë.
