Dy shqiptarë në Britaninë e Madhe janë arrestuar pas përplasjes me makinë të një këmbësori rreth të 80-ave.
Ngjarja ndodhi në autostradën A289 Gads Hill në Gillingham, Kent, pak pas orës 12:00 të hënën.
Viktima u gjet pa shenja jete në Grange Road.
Albert Matraxhiu, 28 vjeç, nga Edgware në veri të Londrës, akuzohet për vrasje, ndërsa Erald Paci, 29 vjeç, nga Chatham në Kent, akuzohet për prishje të provave.
Të dy, të rinjtë shqiptarë, do të paraqiten në gjykatë të premten.
Policia e Kentit kishte nisur kërkimin e tyre pas publikimit të imazheve nga kamerat e sigurisë, që tregonin dy persona duke u larguar nga vendi i ngjarjes.
