Pak më herët ka përfunduar takimi i kabinetit të qeverisë bashkë me kryeministrin Albin Kurti, i cili u zhvillua në Prevallë, njofton Klan Kosova.
Zëvendëskryeministri i Kosovës, Avdullah Hoti, ka bërë të ditur nga çështjet që u diskutuan dhe që u morën aty.
“Sot në Sharr, në takim pune të Qeverisë, definuam tri çështje:
- Përmbyllëm Programin Qeverisës 2020- 2023, që është program ambicioz por realist,
- Diskutuam problemet që kemi gjetur në secilën ministri, që janë shqetësuese dhe në shumicën e rasteve me pasoja financiare për shtetin dhe për qytetaret dhe
- U dakorduam për masat e menjëhershme që duhet të ndërmarrim”, ka thënë Hoti në Facebook.
