Feronikeli ka mposhtur Ballkanin, me rezultat 2-0, në ndeshjen e kthimit gjysmëfinale të Kupës së Kosovës, të zhvilluar në “Rexhep Rexhepi”.
Nga një gol për secilën ndeshje, mjaftoi që të fitohet edhe takimi i dytë gjysmëfinal.
Lapidar Lladrovci shfrytëzoi një tollovi në zonën kundërshtare për të shënuar për 1-0, në minutën e 19-të.
Në pjesën e dytë, Mendurim Hoti, ka mundur të dyfishojë epërsinë, por goditja e tij shkoi shumë afër këndit të majtë të sipërm të portierit të Ballkanit.
Megjithatë, goli i dytë erdhi në minutën e 82-të, kur i inkuadruari në pjesë të dytë, Artur Magani, shënoi pas një depërtimi të bukur të Dabiqajt.
Feronikeli pas rezultatit të përgjithshëm 4-1, pas dy ndeshjeve, siguron finalen e Kupës së Kosovës.
