Në cepin verior të Urës së Ibrit kanë përfunduar gërmimet, pasi aty dyshohej se mund të ketë varrezë masive.
Në vendin ku është gërmuar sot, para luftës ka qenë një xhami në të cilën dyshohej se ishin futur dhjetëra shqiptarë, para se ajo të digjej në vitin 1999.
Por pas hapjes së tri kanaleve në atë lokacion, një metër në nivelin e kësaj xhamie, është konstatuar se në këtë vend nuk ka varrezë masive, njofton Klan Kosova.
Lajmin e ka konfirmuar edhe Bajram Qerkini, përfaqësues i të pagjeturve në Mitrovicë, i cili tha se “gërmimet në këtë lokacion kanë përfunduar, nuk është gjetur asgjë”.
- Advertisement -
