Një aksident komunikacioni në fshatin Milloshevë të komunës së Obiliqit ka përfunduar me përleshje fizike mes dy drejtuesve të automjeteve, të cilët më pas janë arrestuar nga Policia e Kosovës.
Ngjarja ka ndodhur të enjten, rreth orës 12:00, kur pas një aksidenti me vetura, dy të dyshuarit – një shtetas i Kosovës dhe një shtetas i Gjermanisë – kanë sulmuar fizikisht njëri-tjetrin, transmeton lajmi.net
Sipas njoftimit të policisë, të dy personat janë ndaluar dhe me vendim të prokurorit të shtetit, janë dërguar në mbajtje.
Autoritetet po hetojnë rrethanat e incidentit, ndërsa nuk është raportuar për lëndime serioze./lajmi.net/
- Advertisement -
