Policia e Kosovës, me rastin e Ditës Ndërkombëtare të planetit Tokë, ka planifikuar disa aktivitete policore në shenjë të shënimit në mënyrë simbolike të kësaj dite, e cila vlerësohet si mjaft e rëndësishme për planetin Tokë dhe mbarë njerëzimin.
Këto aktivitete janë realizuar në disa rajone policore. Një aktivitet i tillë është realizuar edhe komunën e Skenderajt.
Në disa rrugë të Skenderajt shihen policë të Stacionit policor në Skenderaj, të cilët kanë mbledhur mbeturina gjatë ditës së sotme.
Një aktivitet i tillë është për t’u përshendetur, por edhe për t’u marrë shembull, ngase duhet t’i largojmë mbeturinat dhe ta mbajmë pastër ambientin ku jetojmë./Drenicapress.info
