Sot u arrestua dhe u transferua në Hagë Jakup Krasniqi, shkruan Gazeta Express. Por se për çfarë po akuzohet ai, është bërë e ditur në njoftimin e Dhomave të Specializuara.
Në aktakuzën e konfirmuar ndaj tij, thuhet se Jakup Krasniqi po akuzohet për krime lufte dhe krime kundër njerëzimit.
“Arrestimi u krye nga Zyra e Prokurorit të Specializuar në bazë të një aktakuze të konfirmuar për krime lufte dhe krime kundër njerëzimit dhe në zbatim të fletarrestimit dhe urdhrit për transferim, të lëshuara nga gjykatësi i procedurës paraprake i Dhomave të Specializuara të Kosovës”, thuhet në njoftimin e tyre.
Pjesëtarët e EULEX-it sot bastisën shtëpinë e Jakup Krasniqit, të cilën më pas edhe e arrestuan. Krasniqi është arrestuar pas 10 orësh bastisjeje në shtëpinë e tij, ndërsa pritet transferimi i tij në Hagë.
