Në mbarë trojet shqiptare më 7 Mars shënohet Dita e Mësuesit, andaj për nderë të kësaj feste, edhe në Qendrën e Kulturës “Rexhep Mitrovica”, do të shfaqet premiera e dramës “Mësuesi”.
Nënkryetari i Mitrovicës, Faruk Mujka dhe drejtori për Kulturë, Rini dhe Sport, Fidan Ademi, kanë pritur të premten Mirsad Feratin dhe Marigona Bekteshi Ferati, përfaqësuesit gjeneral në Kompaninë e Teatrit për të rinj në Kosovë “Mitrix Culture” dhe ekipin e nxënësve të cilët do të marrin pjesë në këtë shfaqje.
Mysafirët folën për rëndësinë e shfaqjes që në fokus ka mësimdhënien, kontributin e mësimdhënësve nëpër dekada dhe mosrespektim ndaj tyre tani, transmeton Klan Kosova.
“Drama flet për sakrificën dhe kontributin e mësimdhënësve nëpër dekada, ndërsa tani vërehet një mungesë respekti ndaj tyre. Përmes shfaqjes duam që këtyre mësimdhënësve tu japim mirënjohje publike për punën e madhe që kanë bërë në arsimimin dhe edukimin e brezave të rinj”, tha ndër të tjera Ferati.
Nënkryetari Mujka dhe drejtori Ademi, mirëpritën shfaqjen e këtij projekti në Mitrovicë dhe thanë se edhe në të ardhmen do të mbështesin projekte të këtilla.
