Kandidati i VV-së për Mitrovicë të Jugut, Faton Peci, sipas rezultateve të KQZ-së është fitues i zgjedhjeve në këtë komunë.
Por, ende pa e pranuar pozitën, Peci ka filluar ankesat dhe akuzat ndaj kryetarit në largim, Bedri Hamza, transmeton lajmi.net.
Peci në postimin e tij ka akuzuar Hamzën për manovra me abuzime financiare dhe për dhënie të subvencioneve e lejeve ndërtimore në këtë periudhë tranzicioni.
Bedri Hamza, urime posti i Kryetarit të PDK-së.
E lutja ime publike për ty është kjo: lëri manovrat me abuzime financiare në komunë, për portale me parat e qytetarëve të Mitrovicës. Në këtë periudhë tranzicioni, administratës komunale i bëj thirrje publike: lërini manovrat me subvencione e leje ndërtimore e mbindertimi. Leri nderhyrjet ne protokollin e arkives dhe manipulimin me data. Nuk keni legjitimitet e as legalitet.
Ju siguroj që çdo vendim i tillë nga periudha e fillimit të fushatës do të rishikohet, dhe portalet lokale le të përgatiten fort për të bërë opozitë për herë të parë, sepse asnjë cent nuk do ta marrin nga buxheti i komunës për 4 vitet e ardhshme. As mos shpresoni.
Qyteti e di që 65% e keni pasur përqindjen, por ja që tashmë qytetari i Mitrovicës ka vendosur t’i japë fund abuzimeve me paratë e taksapaguesve.
🙌 Mitrovica ka folur qartë, koha e llogaridhënies ka ardhur!/lajmi.net/
