Partia Demokratike e Kosovës (PDK) ka mbajtur sot një mbledhje të përbashkët të Kryesisë dhe Grupit Parlamentar, ku janë diskutuar zhvillimet e fundit politike në vend.
Në njoftimin zyrtar, PDK bëri të ditur se gjatë takimit është analizuar situata aktuale politike, ndërsa është theksuar se partia e respekton vendimin e Gjykata Kushtetuese e Kosovës, i cili, sipas tyre, qartëson hapat e ardhshëm institucionalë, transmeton lajmi.net.
Duke marrë parasysh rrethanat politike, PDK njoftoi se në ditët në vijim do të thërrasë mbledhjen e Këshillit Drejtues. Në këtë forum, pritet të formalizohen qëndrimet dhe veprimet e ardhshme politike të partisë.
Po ashtu, nga kjo parti u bë e ditur se opinioni publik do të njoftohet me kohë për datën, orën dhe rendin e ditës së mbledhjes së Këshillit Drejtues.
Njoftimi i plotë:
PDK mbledh Kryesinë dhe Grupin Parlamentar, do të thërrasë edhe Këshillin Drejtues
Prishtinë, 26 mars – Partia Demokratike e Kosovës sot zhvilloi një mbledhje të përbashkët të Kryesisë dhe Grupit Parlamentar, ku u diskutuan gjerësisht zhvillimet aktuale politike në vend.
PDK e respekton vendimin e Gjykatës Kushtetuese, i cili qartëson hapat e ardhshëm institucional.
Duke marrë parasysh situatën politike aktuale, Kryesia e PDK-së në ditët në vijim do të thërrasë mbledhjen e Këshillit Drejtues, ku do të formalizohen qëndrimet dhe veprimet e saj politike.
PDK do të njoftojë në ditët e ardhshme opinionin publik për datën, kohën dhe rendin e ditës së mbledhjes së Këshillit Drejtues./lajmi.net/
- Advertisement -
