Emanuel Demaj, sekretar i partisë PSHDK është emëruar të premten zëvendësministër në Ministrinë e Punëve të Jashtme, këtë e ka bërë të ditur vetë ministri Enver Hoxhaj.
Hoxhaj ka zhvilluar një takim me Ukë Berishën, kryetarin e PSHDK-së. Me ç’rast sekretari i PSHDK, Emanuel Demaj është emëruar të premten zëvendësminister i Jashtëm.
“Një partner shumë domethënës në përmbushjen e objektivave qeverisëse tashmë edhe me emërimin e një kuadri të kësaj partie në postin e zëvendësministrit” ka shkruar Hoxhaj.
Në takim është biseduar për tema politike dhe veçmas nevojën e zbatimit të bashkëpunimit ndërpartiak të vendosur në zgjedhjet e fundit mes PDK-së dhe PSHDK-së, shkruan Gazeta Express.
Kujtojmë se PSHDK është në koalicion me PDK’në që nga viti 2014.
