Kryetari i Komunës së Drenasit, Ramiz Lladrovci, ka takuar sot në objektin komunal kundërshtarët politik.
Në takimin e organizuar nga Lladrovci për nderë të Pavarësisë së Kosovës morën pjesë: Isa Xhemajlaj nga Nisma për Kosovën dega në Drenas, Bedri Nika nga Lidhja Demokratike e Kosovës dega në Drenas, Elmi Thaqi nga Aleanca Kosova e Re dega në Drenas.
Pos kundërshtarëve politik të Drenasit në takim ishin edhe Valon Bequku, kryetar i Këshillit të Bashkësisë Islame në Drenas, Driton Morina, komandant i Stacionit Policor në Drenas, Alban Sopi përfaqësues nga Komuniteti Katolik në Llapushnik, familjar të dëshmorëve, përfaqësues të KFOR-it dhe mediat lokale.
Pas takimit u mbajt edhe mbledhja solemne e kryesuar nga kryetari i Kuvendit të Komunës, Naimz Bazaj i cili i ka uruar të gjithë qytetarëve të Drenasit festën e Pavarësisë së Kosovës, ndërsa fjalën i ka kaluar kryetarit të Komunës, Ramiz Lladrovci i cili ka uruar gjithë qytetarët e Drenasit dhe të Kosovës me rastin e shënimit të 9-vjetorit të Pavarësisë së Kosovës. /Drenia Press/
