Dajana Shabani, moderatorja e emisionit “Ditë e re” në Ora News, është në pritje të ëmbël. Të paktën kështu është shprehur kolegu i saj, Hermesi, i njohur si “Zogu i Tironës”, i cili ka thënë se Dajana është shtatzënë për herë të dytë.
“Dajana është shtatzënë, është 3 muajshe shtatzënë. E ka çun, po nuk e ka thënë deri tani, e ka mbajtur të fshehtë”, ka thënë ai teksa Dajana nuk e ka mohuar, por thjesht ka buzëqeshur. Ndërkohë, kolegu i saj Besi si për ta kthyer në humor situatën ka thënë me të qeshur:
“Me lajmet e Zogut, deri 40 vjeçe i ka bërë nja 5 fëmijë kjo”. Pak kohë më parë moderatorja u nda nga bashkëshorti me të cilin ka dhe një vajzë! Ajo tha se ka rigjetur dashurinë, por nuk e zbuloi emrin e partnerit fatlum! “Tani jam e dashuruar kështu që jam duke parë përpara. Jam e ridashuruar!”, tha ajo. Nuk e dimë nëse lajmi i shtatzënisë është i vërtetë apo ishte thjesht një nga ato shakatë e Hermesit.
