Kryetari i Gjilanit, Lutfi Haziri, po e shet si diçka të madhe marrjen e një titulli “Nelson Mandela” nga një organizatë që besohet të jetë fantome. Por, një të tillë e mori më parë dhe Agim Shahini ish kryetari Aleancës Kosovare të Bizneseve.
Lutfi Haziri është shprehur entuziast për marrjen e këtij çmimi. Madje organizatorët e kësaj ceromine i ka falënderuar për vlerësim.
“Jam i nderuar që Akademia Universale e Paqes Globale e OKB’së, më ka nderuar me çmimin Nelson Mandela, me motivacionin për promovimin e paqes në Gjilan dhe Kosovë. Jemi qyteti që e promovon tolerancën e dialogun ndërfetar dhe ndëretnik dhe për neve diversiteti është vlerë. Faleminderit për vlerësimin të deleguarit të këtij institucioni, z. Madhu Krishan dhe Dr. Shefki Hysa, guvernator i Misionit Diplomatik për Paqe dhe Prosperitet”, ka shkruar Haziri në Facebook, transmeton Gazeta Express.
Fjalë të mëdha për këtë çmim ka thënë edhe Agim shahini.
Nelson Mandela lindi më 18 korrik 1918. Ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej njerëzve me ngjyrë në Afrikë, posaçërisht në Afrikën Jugore. Ai njihet si simbol i paqes në gjithë botën. /Gazeta Express
