Partizani barazon në Estoni, gjithçka vendoset në “Air Albania”

Skuadra shqiptare, Partizani ka barazuar në ndeshjen e parë të raundit të parë kualifikues në Ligën e Konferencës.

Partizani barazoi 1:1 në udhëtim ndaj ekipit nga Estonia, Kalju, shkruan Gazeta Express.

Pjesa e parë u mbyll pa gola të shënuar, kurse në të dytën ishte situatë tjetër.

Qysh në minutën e dytë të pjesës së dytë, vendasit kaluan në epërsi nëpërmjet Mannilaan.

Por, në të 51-tën, Partizani u kundërpërgjigj me një gol të shënuar nga Skuka.

Kësisoj, gjithçka mbetet e hapur për ndeshjen e kthimit që zhvillohet pas një jave në “Air Albania” në Tiranë.