Ministria e Jashtme e Palestinës i ka bërë thirrje SHBA-së që të pengojë “pjesëmarrjen e qytetarëve të saj në vizitat provokative në Mesxhid-i Aksa”.
Në një komunikatë me shkrim të Ministrisë së Punëve të Jashtme të Palestinës thuhet se “Kolonët hebrenj radikalë vazhdojnë të bëjnë vizita provokative në Xhaminë Al-Aksa. Të martën në këtë vizitë kishte marrë pjesë edhe senatori amerikan i Utah-ut”.
Nuk është për t’u nënvlerësuar numri i qytetarëve amerikanë në mesin e kolonëve hebrenj që hyjnë në këtë mënyrë dhe abuzojnë me anën e shenjtë të xhamisë al-Aksa, thuhet ndër të tjera në komunikatë dhe kërkohet nga Departamenti amerikan i Shtetit që të mos lejojë pjesëmarrjen e senatorëve në vizitat provokative të kolonëve hebrenj në Xhaminë Al-Aksa.
Ne këtë e vlerësojmë si ndërhyrje të hapur në punët e brendshme të Palestinës. Kjo situatë nënkupton miratimin e hyrjeve provokative të grupeve në fjalë. Këto grupe në të njëjtën kohë synojnë që të ndryshojnë statusin e xhamisë Al-Aksa, vijon komunikata
Senatori amerikan i Utah-ut, Mike Lee të martën bashkë me një grup të kolonëve hebrenj kishte hyrë në Xhaminë Al-Aksa.
Xhamia al-Aksa ndodhet në Jerusalem dhe për myslimanët është në cilësinë e kiblesë.
Në kompleksin Al-Aksa shpesh herë ndodhi tensione për shkak se kolonët hebrenj nën mbrojtjen e ushtarëve izraelitë hyjnë brenda Xhamisë Al-Aksa. /trt/
