Pakistani ka urdhëruar deportimin e më shumë se 450 personave në mesin e tyre edhe 130 arsimtarë që thuhet se kanë lidhje me imamin turk Fehtullah Gulen.
Kjo ka ndodhur pas paralajmërimit të vizitës së presidentit turk në Pakistan Rexhep Taip Erdogan.
Siç bëhet e ditur arsimtarëve dhe anëtarëve të familjeve të tyre u është dhënë afat prej 72 orësh që ta lëshojnë vendin.
Agjencitë botërore bëjnë të ditur se arsimtarët e përzënë nga vendi janë nga shkollat dhe kolegjet private “PakTurk” që mbështeten nga Guleni.
Vlerësohet se në këto shkolla shkojnë më shumë se 10 mijë nxënës në tërë Pakistanin.
Erdogani nesër duhet të udhëtojë për një vizitë dy ditore në Islamabad.
