Luis Enrique ka folur përsëri për progresin e Paris Saint-Germain pa Kylian Mbappe, vetëm pak minuta para finales së Ligës së Kampionëve kundër Interit.
I pyetur për formën e fundit të ekipit, Enrique ka thënë se ata tentojnë të marrin çdo ndeshje nën kontroll.
“Ishte një motivim për lojtarët. Ne u përpoqëm të merrnim kontrollin e mënyrës se si luajmë”, deklaroi trajneri spanjoll
Ai shtoi: “Tani të gjithë janë të përfshirë, të gjithë po bëjnë gjëra pozitive. Të gjithë janë të lumtur tani”.
Trajneri beson se skuadra është përmirësuar që nga sezoni i kaluar, si teknikisht ashtu edhe mendërisht.
“Jemi më të mirë se vitin e kaluar si me top ashtu edhe pa të”, potencoi më tej ai.
PSG tani do të përballet me Interin në finale, duke shpresuar ta përfundojë sezonin me çmimin më të madh të Evropës, pasi u përshtat me jetën pa ish-yllin e tyre.
