Pacolli akuzon Thaçin dhe Mustafën, kanë bërë marrëveshje sekrete me Serbinë për eksploatimin e arit

Kryetari i Aleancës Kosova e Re Behgjet Pacolli akuzon krerët e shtetit se kanë bërë marrëveshje sekrete me Serbinë, për të eksplotuar minierën e arit në veri, Në reagimin e tij në Facebook, Pacolli ka shprehur dyshimet për një marrëveshje të fshehtë mes qeverisë së Kosovës dhe shtetit serb, duke licencuar një kompani për eksploatimin e minierës së Crepuljes, e cila ndodhet në Leposaviq.
Sipas tij, kjo kompani ka licencë që kontrollon 9.82 kilometra katror të një territori historikisht të pasur me zink, plumb dhe argjent.
“Programi i eksplorimit ka filluar në vitin 2017 ku së shpejti pritet të fillojnë shpuarjet e nevojshme, gjë që e bënë të dyshimtë faktin se si u pajis kjo kompani me këtë licencë dhe cilit institucion ja pagoi obligimet financare. Shpresoj që kjo marrëveshje nuk është një marrëveshje e fshehtë e Qeverisë sonë të dështuar me palën Serbe”, shkruan Pacolli.