Kryetarja e Kuvendit të Kosovës, njëherësh nënkryetarja e LDK-së Vjosa Osmani tha se presidenti i vendit, Hashim Thaçi nuk mund të flasë në emër të saj dhe të qindra e mijëra qytetarëve të këtij vendi.
Osmani shtoi se si sot, 7 vite më parë, presidenti Hashim Thaçi solli për votim në Kuvend marrëveshjen e tij me Ivica Daçiq, të cilën e quajti njohje të Kosovës nga Serbia.
Vjosa Osmani deklaroi se marrëveshja në fakt krijoi Asociacionin e Komunave Serbe, legalizoi strukturat kriminale të veriut, krijoi sistemi jounitar gjyqësore e ofroi amnisti për serbët që kishin kryer krime, transmeton Indeksonline.
Osmani tha se atëherë votoi kundër, e bindur që kjo nuk ishte as njohje e as marrëveshje finale, por që sot 7 vite pas, po i njëjti tentoi të flasë në emër të 91 deputetëve.
Positmi i plotë:
Si sot 7 vite më parë, Thaci solli për votim në Kuvend marrëveshjen e tij me Dacic, të cilën e quajti njohje të Kosovës nga Serbia. Marrëveshja, në fakt, krijoi Asociacionin e Komunave Serbe, legalizoi strukturat kriminale të veriut, i futi strukturat e sigurisë së Serbisë në institucionet tona, krijoi sistem jounitar gjyqësor e ofroi amnisti për serbët që kishin kryer krime. Atëherë votova KUNDËR, e bindur që kjo nuk ishte as njohje e as marrëveshje finale dhe vetëm hapte rrugë për shkelje të tjera të rënda në dëm të shtetësisë e sovranitetit të vendit.
Sot, 7 vite pas, po i njëjti njëjti, tenton të flasë në emër të 91 deputetëve. Por, JO NË EMRIN TIM, e as në emër të qindra mijëra qytetarëve të tjerë të këtij vendi, të cilët njëjtë sikur më 6 tetor 2019, edhe sot qartë dijnë të bëjnë dallimin e të mirës me të keqen.
#JoNëEmrinTim
