Obiliqi mbulohet nga pluhuri dhe tymi – erërat e forta përkeqësojnë gjendjen
dp
Qyteti i Obiliqit është përfshirë sot nga një shtresë e dendur pluhuri dhe tymi, duke e vështirësuar dukshëm dukshmërinë dhe cilësinë e ajrit.
Kjo situatë është shkaktuar nga erërat e forta që kanë përfshirë vendin gjatë ditës së sotme, raporton lajmi.net.
Pamjet e siguruara nga portali tregojnë një situatë alarmante: qyteti mezi shihet nga autostrada për shkak të përqendrimit të lartë të pluhurit dhe tymit në atmosferë.
Lexo edheZjarre të mëdha dhe erëra të fuqishme, KOSTT-i detyrohet të ndërpresë energjinë në disa zona
Kjo situatë rikthen në vëmendje nevojën për masa më të ashpra në monitorimin dhe menaxhimin e ndotjes së ajrit, veçanërisht në zona si Obiliqi, që tradicionalisht përballen me ndotje të lartë industriale dhe atmosferike./lajmi.net/
