Presidenti i ShBA, Barack Obama mbërriti të mërkurën në Japoni për samitin e G7-ës si edhe për një vizitë në Hiroshima, e para e një presidenti amerikan ne detyrë.
Presidenti amerikan, Barack Obama mbërriti në Japoni për samitin e G7-ës si edhe për një vizitë në Hiroshima, që konsiderohet historike për faktin se zhvillohet nga një president amerikan në detyrë.
Pritet që sonte Obama të zhvillojë bisedime me kryeministrin japonez, Shinzo Abe.
Do të jenë të paktën 23 000 trupa policore në gatishmëri për zhvillimin e samitit të G7-ës në Ise-Shima, në Japoninë Qendrore.
Rreth 4 600 policë të tjerë do të vendosen në Hiroshima, qyteti ku presidenti amerikan Barack Obama do të shkojë pas përfundimit të samitit.
Samiti i G7-ës do të zhvillohet në datat 26-27 maj.
