Zëvendësministri i Zhvillimit Ekonomik, Gani Koci, ka reaguar pas dorëheqjes së Ramush Haradinajt nga posti i kryeministrit, shkruan Gazeta Metro.
Koci që vjen nga subjekti i PDK-së përmes Facebook ka ‘eskaluar’ me deklaratën e tij.
“A u knaqët ju hastretxhinjë të LDK-së e të VV-së, ju analistë e banalistë të shumë portaleve, ju fyes e mohues të vlerava të lirisë, ju nostalgjikë të së kaluarës, ju argatë të dreqit e të birit por kurr e vendit tuaj”, ka shkruar Koci.
Ai ka paralajmëruar se ‘hastretxhinjtë’ e tillë do ta kenë të shkurtë kënaqësinë dhe se çlirimtarët nuk mposhtën.
“Çlirimtarët gjithmonë dalin fitimtarë!”,ka përfunduar Gani Koci.
Ramush Haradinaj ka dhënë dorëheqje gjatë ditës së sotme nga pozita e kryeministrit të Kosovës. Ai këtë vendim e ka marrë pas ftesës nga Gjykata Speciale në cilësinë e të dyshuarit.
