Pasi iu caktua 30 ditë paraburgim nga Gjykata Themelore në Prishtinë, ndihmësit të Petkoviçit, përkatësisht Popoviçit, për shkak se dyshohet se fyu UÇK-në, duke ndjellur urrejtje e mosdurim, Vuçiq ka shfrytëzuar situatën, për ti ‘minimizuar’ protestat kundër tij në Serbi.
Ai këtë të diele foli se si Kurti po do konflikt, kurse protestat s’janë halli kryesor i tij.
“Do të reagojmë në një mënyrë shumë të ashpër, sepse ky terror duhet të ndalet në një moment”, ka thënë ai në Tv Pink.
Vuçiq ka thënë se i ka njoftuar ndërkombëtarët për këtë që ka ndodhur.
I pyetur për protestat e studentëve, ai ka thënë se Serbia ka probleme më të mëdha sesa bllokuesit – dhe thotë se ky problem është Albin Kurti.
Sipas tij, Kurti “do të të provokojë incidente në Ballkanin Perëndimor”.
“Arrestimi i fundit i Igor Popović tregon se Kurti e ka humbur plotësisht mendjen dhe se dëshiron të provokojë incidente dhe konflikte në Ballkanin Perëndimor”, tha Vuçiq.
“Kjo mund të ketë pasoja të paparashikueshme, por ne gjithmonë do të luftojmë për të ruajtur paqen dhe stabilitetin”, ka thënë tutje ai.
