Nutella pa dashje u bë ylli i misionit hapësinor Artemis II dhe kështu mori reklama që asnjë ekip marketingu nuk mund t’i paguante kurrë.
Gjatë një transmetimi të drejtpërdrejtë të NASA-s, një kavanoz me Nutella doli rastësisht nga kuzhina e anijes kozmike Orion. Në mungesë peshe, kavanozi rrotullohej ngadalë, etiketa e tij ishte përballë kamerës, sikur të kishte ekipin e vet të regjisë.
Ekipi i marketingut të Nutella-s reagoi shpejt dhe e ndau videon në profilet e tyre me mesazhin:
“Jemi të nderuar që kemi udhëtuar më larg se çdo udhëtim tjetër në histori. Po përhapim buzëqeshje në nivele të reja.”
Për shkak të xhirimit në kohën e duhur, pati edhe spekulime se ishte reklamë e fshehtë. Megjithatë, NASA i mohoi këto pretendime. Zëdhënësja e agjencisë, Bethany Stevens, tha se NASA nuk zgjedh ushqim për ekuipazhin në bashkëpunim me markat.
«Kjo nuk ishte reklamë e paguar», tha shkurt Stevens./Indeksonline/
Durante una diretta della missione Artemis II, è apparso un barattolo di Nutella 😭 pic.twitter.com/1FUXVqp07W
— Trash Italiano (@trash_italiano) April 6, 2026
