Për t’i dhënë përkrahje morale lojtarëve të kF Drenicës, sot Nënkryetari i Skenderajt Fadil Nura ka takuar lojtarët e KF Drenica. “KF Drenica e ka vendin në elitën e futbollit të Kosovës”
Nënkryetari i Komunës së Skenderajt Fadil Nura i shoqëruar nga Kryesia e klubit ka takuar në orët e pasditës së sotme lojtarët e KF Drenica para ndeshjes vendimtare që KF Drenica zhvillon të dielen kundër KF Istogut.
Nënkryetari Nura ka kërkuar angazhim maksimal të lojtarëve dhe shtabit teknik para ndeshjes shumë të rëndësishme për mbetje në Superligë. Ai u ka thën futbollistëve se më shumë se kurrë nevojitet angazhim në ndeshjen e radhës pasi kjo ndedhje vendos për të ardhmen e KF Drenicës, transmeton Drenica Press.
Z.Nura u shpreh optimist se klubi do të kalojë këtë sfidë dhe do të vazhdoj garat në Superligën e Kosovës në futboll. “KF Drenica e ka vendin në Superligën e Kosovës, në elitën e futbollit dhe askund tjetër, sepse për këtë kanë investuar mund, djerës, energji dhe financa kohë të gjatë dashamirët e sportit”, tha z. Nura.
Lojtarët dhe shtabi teknik u shprehen të gatshëm për sfidën e radhës dhe të sigurt në fitore.
KF Drenica të dielën luan ndëshjen vendimtare kundër KF Istogut, ndeshje kjo përcaktuese për mbetje të KF Drenicës në Superligën e Kosovës në Futboll.
