Në Skenderaj u mbajt panairi kulturor i organizuar nga Drejtoria për Zhvillim Ekonomik, Ndërmarrësi, Inovacion dhe Turizëm, ku u prezantuan veshje tradicionale, ushqime të shijshme dhe punime artizanale të punuara mjeshtërisht nga duar të arta.
Panairi u vizitua nga Kryetari i Komunës, Fadil Nura, Sami Lushtaku dhe Drejtoresha e Zhvillimit Ekonomik, Besarta Meha Ademi, të cilët shprehën mbështetje për ruajtjen dhe promovimin e trashëgimisë kulturore shqiptare.
“Një mundësi e mirë për bashkatdhetarët që të mbajnë gjallë lidhjen me traditat shqiptare,” theksoi Nura.
Ngjarja u mirëprit nga qytetarët dhe vizitorët, duke e kthyer panairin në një festë të vlerave tona kombëtare.
