Pete Davidson do duhet të fillojë të ndryshojë pelenat shumë shpejt! Komediani 31-vjeçar dhe modelja britanike Elsie Hewitt janë në pritje të fëmijës së tyre të parë.
Çifti, që u përfol për herë të parë si çift në muajin mars të këtij viti, nuk kanë reaguar ende publikisht për lajmin, por miqtë pranë tyre pohojnë se janë “jashtë mase të lumtur”.
Si nisi romanca mes Pete dhe Elsie?
Ata u fotografuan për herë të parë duke u puthur në ujërat e Palm Beach në Florida, s’kishte se si të ishte më romantike se kaq. Më pas, dyshja mori pjesë dorë për dore në një event dhe gjërat u bënë zyrtare. Pak muaj më pas, u konfirmua se çifte kishin nisur të bashkëjetonin me njëri-tjetrin.
Pete filloi lidhjen me Elsie tetë muaj pas ndarjes nga aktorja e “Outer Banks”, Madelyn Cline. Elsie, nga ana tjetër, përflitej më herët për një flirt me aktorin Jason Sudeikis.
Nëse keni ndjekur Pete-in, e dini që të bëhej baba ka qenë gjithmonë ëndrra e tij. Në një intervistë me Kevin Hart në 2022, ai u shpreh:
“Ëndrra ime është të kem një fëmijë. Është shumë e sikletshme kur e thua, por mezi pres ta vesh një vogëlush me rroba të vogla e të bëj gjëra të lezetshme.”
