Kryetari i NISMA-s, Fatmir Limaj, ka deklaruar se nuk pret ndonjë ndryshim në situatën politike gjatë seancës së sotme për konstituimin e Kuvendit të Kosovës.
Duke folur për media para hyrjes në Kuvend, Limaj tha se nuk sheh shenja të ndonjë zhbllokimi dhe se vendimi tashmë duhet t’i lihet Gjykatës Kushtetuese, raporton lajmi.net
“Nuk po shoh ndonjë mundësi të ndryshimit sot, t’ia lëmë gjykatës,” u shpreh shkurt Limaj, duke aluduar në mundësinë që pas përfundimit të afatit kushtetues, Gjykata Kushtetuese të marrë vendim për hapat e mëtejmë./Lajmi.net/
