Viteve të fundit shkolla e mesme profesionale “Qendra e Kompetencës” në Skenderaj, është bërë shpesh herë lajm në mediat tona kombëtare, për sukseset e arritura e sidomos me kushtet e standardeve europiane që ofron kjo shkollë. Sërish gjatë ditës së sotme shkolla profesionale ka arritur të fitoj një projekt shumë të rëndësishëm me vlerë 579.975 € nga Banka Gjermane për Zhvillim -KFW. Ky projekt është hartuar nga stafi i shkollës profesionale, ku këto mjete do të shfrytëzohen për blerjen e teknologjisë së fundit smart për profilet: Arkitekturë, Zdrukthëtari dhe Metal Punues, shkruan Drenica Press.
Me rastin e fitimit të këtij projekti, vlerësim dhe mirënjohje për suksesin e arritur ka shprehur edhe drejtori i DKA s në Skenderaj, Kastriot Duraku,
Ndërkaq drejtori i shkollës profesionale “Qendra e Kompetencës”, Armend Barjaktari, shprehu falenderimet për vlerësimin meritor nga donatori Banka Gjermane për Zhvillim -KFW, për ekipin punues të profesorëve të shkollës, partnerët e këtij projekti dhe gjithë nxënësit e kësaj shkolle.
Ai tutje shtoi se:” Të nderuar nxënës, mësimdhënës, prindër, partner të brendshëm e të jashtëm ju njoftojmë se sot në një ceremoni zyrtare në Hotelin Swiss Diamond në Prishtinë u bë shperndarja e qmimeve Award për ketë projekt i financuar nga Banka Gjermane për Zhvillim -KFW, ne ketë rast ne si Shkollë jemi fitues i projektit ne konzorcim me 3 ndërmarrje: Daci Metal Construction, Aktiv SH.P.K dhe Woodprocesing Association of Kosovo. Vlera e projektit është 579.975 €.
Falenderim i veçantë ekipin punues ne projekt nga Shkolla dhe mbështetjen nga partneri ynë Gjerman GIZ, gjithashtu edhe ndërmarrjet qe janë pjesë e konzorciumit me te cilat do ta realizojmë projektin ne 3 vitet e ardhshme.
Ky projekt ju dedikohet nxënësve të Shkollës sonë ne 3 profile: Arkitekturë, Zdrukthëtari dhe metal punues.
Suksese të gjithëve.
