Nuk ka nevojë të flini me bigudina; kështu mund të keni flokë me onde shumë thjeshtë

Bigudinat janë një mjet që përdornin dhe gjyshet tona sidomos ato me nxehje apo ato që duhen mbajtur gjithë natën. Me gjithë inovacionet dhe teknologjitë e reja që kanë dalë për stilim e flokëve është koha që të hiqni dorë nga bigudinat.

Lani flokët tuaj ashtu siç bëni zakonisht dhe më pas thajini me peshqir duke i lënë shumë pak të njoma.  Ndajeni me vizë në mes dhe lidhini flokët dy bishta. Më pas duke i rrotulluar ato lidhini bashkë. Kur ato të jenë tharë plotësisht lëshojini dhe do të shihni disa onde shumë natyrale.

Duke përdorur një bluzë pambuku: Lani flokët siç bëni zakonisht, gjithmonë duke zgjedhur shampon dhe balsamin që i përshtatet llojit tuaj të flokëve. Thajini me peshqir duke i masazhuar me lëvizje rrethore në gjithë sipërfaqen e skalpit dhe jo duke i shtrydhur siç bëni me veshjet. Merrni një T-shirt, peshqir me mikrofibra ose bluzë pambuku me mëngë të gjata dhe shtrojeni mbi një tavolinë.

Këshillohet të përdoret bluza me mëngë të gjata pasi mbledh të gjithë flokët. Pasi e keni shtrirë mbi tavolinë, ulni kokën dhe shtrini flokët mbi bluzën e pambukur dhe me anë të disa rrotulimeve siç bëjmë me letrën e karameleve mbështillni gjithë flokët. Mbajini ashtu për disa orë, më pas hiqni bluzon dhe kaloni gishtat mbi flokë duke i masazhuar. Thani kokën në temperaturë ambienti dhe sipas dëshirës mund të përdorni ose jo llak flokësh. Rezultati do ju lërë shumë të kënaqura, si dhe mbi të gjitha është diçka e thjeshtë dhe praktike.