Më herët u raportua në media se sigurimi i kryetarit të Kuvendit të Kosovës, Kadri Veseli, ka tërhequr zvarrë gazetarin Taulant Osmanin, gjatë kryerjes së detyrës së tij.
Në kohën kur është nxjerrë jashtë, Taulant Osmani ka qenë duke qëndruar në korridorin e Kuvendit, përballë zyrës së kryeparlamentarit Kadri Veseli.
Por sipas gazetarit Osmani, ai është larguar nga policët e Kosovës dhe jo nga sigurimi i kryeparlamentarit Veseli
Gazetari i KALLXO.com tha se arsyeja e dhënë nga pjesëtari i Policisë ka qenë që ai nuk është i akredituar për t’i përcjellë ngjarjet në Kuvend meqë akreditimi që ai e ka poseduar me vete ka skaduar më 31 dhjetor 2017.
Kuvendi i Kosovës ende nuk ua ka shpërndarë gazetarëve akreditimet për vitin 2018 dhe asnjë gazetar i pranishëm nuk ka pasur akreditim valid.
