Për shkak të kërkesave të shumta Policia dhe Gjykatat nuk po mund t’i pajisin me certifikata kandidatet për ushtare të FSK-së, prandaj ky institucion ka sqaruar se këto dy dokumente duhet t’i sjellën gjatë fazës së testimeve.
“Për shkak të kërkesave të shumta për pajisje me certifikata nga Gjykata dhe Policia e Kosovës nga kandidatët për rekrut në FSK, jemi njoftuar se Gjykatat dhe Policia nuk mund t’iu përgjigjen fluksit të madh të kërkesave për pajisje me këto dokumente në afatin e paraparë të konkurrimit”, thuhet në njoftimin e FSK-së.
Ky institucion, tutje ka bërë të ditur se, kandidatët që dëshirojnë të aplikojnë, aplikacioni i tyre do të pranohet edhe nëse nuk i kanë certifikatën nga Gjykata dhe Policia e Kosovës.
“Kandidatët këto dy dokumente duhet t’i sjellin gjatë fazës së testimeve”.
