Kandidati për deputet nga radhët e Lëvizjes Vetëvendosje, Yll Rugova, ka bërë një postim interesant në rrjete sociale. Sipas tij, PDK’ja nuk po blen vota, shkruan Gazeta Metro.
Ai thotë se është përhapur një propagandë që thotë se ‘PDK-ja po blen vota’. Por, në vend se ta shoh një gjë të tillë si sulm ndaj PDK-së, ai për çudi beson se kjo i konvenon kësaj partie dhe e dëmton partinë e tij, Lëvizjen Vetëvendosje.
“PDK-ja po shkepë pare me të madhe për vota” është propagandë që përhapet për me i dekuraju votuesit me votu për ndryshim. PDK-ja tash s’ka mjete të tjera me të cilat mundet me u kthjellë prej vendit të tretë ku ka rënë, e po duhet me përdorë propagandë të tillë”, shkruan Rugova.
Ai po ashtu, në postim ka treguar se VV’ja ka një shumicë në Komisionin Qendror Zgjedhor, dhe që nuk ka gjasa për vjedhje votash./gazetametro.net
