Një tërmet ka goditur qytetin më të madh të Turqisë, Stambollin. Sipas “Qendrës Sizmologjike Evropiane-Mesdhetare”, tërmeti me magnitutë 4.9 goditi 63 kilometra në perëndim të qytetit në 16:37 të pasdites (në orarin e Turqisë).
Sipas “Independent”, banorët e shqetësuar kanë raportuar se kanë ndjerë dridhje të forta ku janë tronditur ndërtesat, megjithëse nuk dihet ende nëse ka viktima apo dëme materiale.
Kryebashkiaku i qytetit, Ekrem Imamoglu tha se deri më tani autoritetet nuk janë në dijeni të ndonjë ndikimi negativ. Ai tha se ngjarja sizmike në detin Marmara ka ndodhur në një thellësi prej 16 kilometrash.
